வத்தலக்குண்டு : எதையுமே வித்தியாசமாக பார்த்து,சிந்திப்பது இளைஞர்களுக்கு மிகவும் பிடித்தமான ஒன்று. அதுவும் சவாலான விஷயங்களை செய்வது "அல்வா' சாப்பிடுவது மாதிரி. ஆந்திராவிலிருந்து சபரிமலைக்கு ரோடு வழியாக 1,500 கி.மீ.,"ஸ்கேட்டிங்'கில் வருவதென்பது சாதாரண காரியம் இல்லையே.ஆந்திரா ஐதராபாத் அருகே ஹூப்ளிஹில்ஸில் நவ., 6ல் மாலை அணிந்த கன்னிச்சாமி ரகுவீர் (25), டிச.,22ல் சபரிமலைக்கு புறப்பட்டார். கடுமையான விரதம் இருந்து வழக்கம்போல பஸ்சில் வராமல் "ரோலர் ஸ்கேட்டிங்' மூலம் செல்ல தயாரானார். முதன் முறையாக வருவதால் வழிகாட்டியாக குருசாமி சுரேஷ் (30) சைக்கிளில் வருவதற்கு ஒப்புக்கொள்ள பயணத்தை தொடர்ந்தனர். மெகபூப்நகர், கர்னூல், அனந்தாபூர்,பெங்களூரு, ஓசூர், சேலம், கரூர், திண்டுக்கல் வழியாக நேற்று பகல் 2க்கு சரணம் ஐயப்பா கோஷத்துடன் வத்தலக்குண்டை அடைந்தனர்.
பயணம் குறித்து ரகுவீர் கூறும்போது, ""மாணவர்களுக்கு நடனம், கராத்தே கற்றுத் தருகிறேன். முன்னாள் முதல்வர் சந்திரபாபு நாயுடுவிடம் 700 கி.மீ., ஆந்திராவுக்குள் "ஸ்கேட்டிங்' கில் சுற்றி விருது வாங்கினேன். எனக்கு பிடித்த, ஐயப்பனை தரிசிக்க "ஸ்கேட்டிங்'கில் செல்ல வேண்டும் என்பது எனது நீண்ட நாள் ஆசை. அதனால் வந்தேன். இவ்வளவு தூரம் இதுவரை யாரும் "ஸ்கேட்டிங்'கில் வரவில்லை. கின்னஸ் சாதனைக்கு முயற்சி எடுத்து வருகிறேன்' என்றார்
ஆன்மீகக்கடல் ஆசிரியர் கை.வீரமுனி சுவாமிகள். .யின் அதிகாரபூர்வ வலைப்பூ இந்த மஹாவில்வம்;உங்களின் வாழ்க்கைச் சிக்கல்கள் தீர,ஜோதிட ரீதியாக ஆலோசனைகள் பெறவும், ஆன்மீகத் தேடல் உள்ளவர்கள் முறையான வழிகாட்டுதல் பெறவும் தொடர்பு கொள்க: வாட்ஸ் அப் எண்:+91 9092116990 செல் எண்:9629439499(இருப்பு:ஸ்ரீவில்லிபுத்தூர்=விருதுநகர் மாவட்டம்) மாதம் ஒருமுறை சென்னை,கோவையில் சந்திக்கலாம்!!!
No comments:
Post a Comment