அமெரிக்கமயமாக்கலால் வரும் பேரழிவு!!!

எங்களது உணவுப்பண்டங்களைக் குளிரூட்ட

ஓசோன் படலம் ஓட்டையாகி வருகிறது;

நாங்கள் வாகனங்களில் விரைவதற்காக

துருவ பனிப்பாறைகள் உருகுகின்றன;

எங்கள் எரிபொருள் தேவைக்காக

மரங்கள் கரியாகி வருகின்றன;

நாங்கள் குடியிருப்புகளைக் கட்டுவதற்காக

வனங்கள் மொட்டையடிக்கப் படுகின்றன;

நதிகளின் பெண்மை சிதைக்கப்படுகின்றன;

பூமியின் நீர்வளம் வற்றவைக்கப் போராடுகிறோம்;

எங்களது உணவுத் தேவைக்காகவும்

இன்னபிற வசதிக்காகவும்

தினமும் மிருகங்கள் செத்து மடிகின்றன;

எங்களில் சிலரது சுயநலத்துக்காக

எங்களின் சம்பளம் நூதனமாக திருடப்படுகிறது;

நாங்களும் வறுமைக் கோட்டிற்குள் வரத்துவங்கியிருக்கிறோம்;

முதலாளித்துவம் உலகமயமாகுவதால்

அழிவு ஒன்றுதான் நிலைப்பேறுடையது;

ஆனால்,ரேஷன் முறையில் வருகிறது;

வாழ்வு என்பது வேறொன்றுமில்லை;

அழிவைச் சற்று ஒத்தி போடுவது-

பன்னாட்டு நிறுவனங்களின் லாபசதவீத வளர்ச்சிக்காக!

ஆயினும் எங்கள் அவசர யுகத்தில்

தூண்டப்பட்ட பெரிய ஆசைகளின் பூர்த்திக்காக

வாழ்க்கை வசதிகள் என்ற பெயரில்

அழிவை நாங்கள் உலகளவில் அருகழைத்துக் கொள்கிறோம்;

நன்றி:சுதேசிச் செய்தி,பக்கம் 20,வெளியீடு டிசம்பர் 2012