அன்னை மஹாவராகியின் அருளை ஓராண்டுக்குள் பெறும் வழிமுறை

ஓராண்டுக்குள் அன்னை மஹாவராகியின் அருளைப் பெற

உங்கள் வாழ்க்கை எப்படிப்பட்டதாக இதுவரை இருந்தாலும் சரி;இன்று 5.8.2019 முதல் அடியோடு மாறுகிறது;அதற்குரிய வழிமுறைகளை இங்கே உங்களுக்குத் தெரிவிக்கின்றோம்;

1.ஆடி மாதம் வரும் வளர்பிறை பஞ்சமி 5.8.2019 திங்கட்கிழமை அன்று அண்ணாமலைக்கு சென்று,அங்கே உண்ணாமலை சன்னதியில் அன்னையை வழிபட்டுவிட்டு,அங்கே ஒரு இடத்தில் அமர்ந்து அன்னையை தியானித்துவிட்டு ஒரு முறை வராகி மாலையை ஜபியுங்கள்;

ஒருவேளை 5.8.2019 அன்று ஜபிக்க முடியாதவர்கள் பின்வரும் தேதிகளில் ஒன்றில் சென்று வராகி மாலையை ஜபிக்கலாம்;

3.9.2019 திங்கள்

3.10.2019 வியாழன்

1.11.2019 வெள்ளி

1.12.2019 ஞாயிறு

31.12.2019 செவ்வாய்

29.1.2020 புதன் காலை 9.24 முதல் 30.1.2020 காலை 11.32க்குள்

28.2.2020 வெள்ளி

29.3.2020 ஞாயிறு

இந்த நாட்களில் ஏதாவது ஒரு நாளில் திரு அண்ணாமலை சென்று உண்ணாமலை அம்மன் சன்னதியில் ஒரே ஒரு முறை வராகி மாலை ஜபித்துவிட்டு,கிரிவலம் செல்லவும்;கிரிவலம் முடித்துவிட்டு,உங்கள் ஊருக்குச் செல்லுங்கள்;உங்கள் வீட்டில் தினமும் ஐந்து முறை வராகி மாலையை இரவில் ஜபித்துவருக!!!(கண்டிப்பாக மது,அசைவம் கைவிட்டிருக்க வேண்டும்)

2.அதன் பிறகு, தேய்பிறை பஞ்சமி நாட்களில் அண்ணாமலை கிரிவலம் வர வேண்டும்;தேய்பிறை திதிகளில் செய்யப்படும் ஜபம்,கிரிவலம்,அன்னதானம் நம்முடைய கர்மவினைகளை எரித்து சாம்பலாக்கிவிடும்;

தேய்பிறை பஞ்சமி திதி வரும் நாட்களில் வராகியை முழு முதற்கடவுளாக எண்ணி பல பிறவிகளாக தவம் செய்து வரும் வராகி சித்தர்கள் கிரிவலம் வருகிறார்கள்:அவர்களுடைய சூட்சும வழிகாட்டுதல் கிடைக்க 36 தேய்பிறை பஞ்சமி நாட்களில் அண்ணாமலை கிரிவலம் செல்ல வேண்டும்;

விகாரி வருடத்தின் தேய்பிறை பஞ்சமி நாட்கள்:

20.8.2019 செவ்வாய்

18.9.2019 புதன் மாலை 4.19 முதல் 19.9.2019 வியாழன் மாலை 4.48 வரை

18.10.2019 வெள்ளி

16.11.2019 சனி மாலை 6.55 முதல் 17.11.2019 ஞாயிறு மாலை 5.32 வரை

16.12.2019 திங்கள்

14.1.2020 செவ்வாய் மாலை 5.45 முதல் 15.1.2020 புதன் மதியம் 3.27 வரை

13.2.2020 வியாழன்

13.3.2020 வெள்ளி மதியம் 2.26 முதல் 14.3.2020 சனி மதியம் 12.29 வரை

12.4.2020 ஞாயிறு

3.ஒவ்வொரு பவுர்ணமி அன்றும் சிங்கம்புணரி என்ற ஊருக்குச் செல்ல வேண்டும்;இங்கே முத்துவடுக நாதர் என்ற வராகி சித்தர் ஐக்கியமாகி இருக்கிறார்;எல்லா பவுர்ணமி இரவுகளிலும் இங்கே யார் வேண்டுமானாலும் தங்கி,நள்ளிரவு 12 மணி அபிஷேகத்தை தரிசிக்கலாம்;

சிங்கம்புணரி என்ற ஊர் சிறிய ஊர்;மதுரை மாட்டுத்தாவணியில்  இருந்து அடிக்கடி பேருந்து வசதிகள் இருக்கின்றன;90 நிமிடங்கள் பயணம் இருக்கிறது;திண்டுக்கல் டூ காரைக்கடி சாலை மார்க்கத்தில் பொன்னமராவதிக்கு அருகில் இந்த ஊர் இருக்கிறது; ஆடி மாதம் வரும் ரோகிணி நட்சத்திர தினத்தன்று வருடாந்திர குரு பூஜை விழாவும்,அன்னதானமும் இங்கே நடைபெற்றுக் கொண்டு இருக்கிறது;

பவுர்ணமி இரவில் இங்கே வந்ததும்,இங்கேயும் வராகி மாலையை ஐந்து முறை ஜபிக்க வேண்டும்;வாய் விட்டுப் பாடக் கூடாது;உதடு அசையும் விதமாக ஜபிக்கக் கூடாது;உதடு அசையாமல் ஜபித்தால் முழுப் பலனையும் பெறலாம்;

4.இந்த ஓராண்டில் ஐந்து நபர்களுக்கு வராகி ஜபத்தின் முக்கியத்துத்தை புரிய வைக்க வேண்டும்;அவர்களையும் தினமும் வராகி மாலை ஜபிக்க வைக்க வேண்டும்;அன்னை மஹாவராகிக்கு மிகவும் பிடித்தமான செயல்களில் இதுவும் ஒன்று;

5.இந்த ஒராண்டுக்குள் பின்வரும் வராகி கோவில்களில் ஏதாவது ஒரு கோவிலுக்கு ஒரு முறையாவது சென்று வர வேண்டும்;

அமாவாசை/புதன் கிழமை/பஞ்சமி திதி/சனிக்கிழமை இதில் ஏதாவது ஒரு நாளில் செல்வது நன்று;

1.மங்களமஹா காளி கோவில்,உத்திரகோச மங்கை சிவாலயம் அருகில்,இராமனாதபுரம் மாவட்டம்,

2.ப்ருஹத் வராகி சன்னதி,பெரிய கோவில்,தஞ்சாவூர்

3.அருள்மிகு அரசாலையம்மன் திருக்கோவில்,பள்ளூர்;

காஞ்சிபுரம் டூ அரக்கோணம் சாலையில் 15 கி மீ (காஞ்சிபுரத்தில் இருந்தும் 15 கி மீ தூரம்;அரக்கோணத்தில் இருந்தும் 15 கி மீ தூரம்)

4.பாதாள வராகி கோவில்,காசி என்ற வாரணாசி  ( தினமும் காலை 4 முதல் 5.40 வரை மட்டுமே திறந்திருக்கும்).உத்திரப்பிரதேச மாநிலம்;

5.அருள்மிகு பாலகுராம்பிகை சமேத கீர்த்திவாசர்,வழுவூர்.

வழி:மயிலாடுதுறையில் இருந்து திருவாரூர் செல்லும் சாலையில் 12 வது கி மீ சென்று அங்கே உள்ளடங்கிய கிராமத்தில் இருக்கிறது;

இங்கே தான் அன்னை மஹாவராகி ஈசனிடம் பல வரங்களைப் பெற்றார்!!!